Pa e kherengo agencia

Kherengo agencia – Kade žalpe

Ka e Kherengo agencia šaj manges šušo/slobodo unžilimasko apartmento so avri den ande Stokholmosko regiono. E khera opre ulaven pala e šorosko sistemo (kösystem) pala kodo ke kon ketji tordjol ando šoro. Te birin te mangen jekh kher site tu registralis tu ande e kheresko šoro.

Kon šaj registralijpe ande kheresko šoro?

Kongodi kon si 18 beršenge vadj maj phure taj sile jekh švedicko personalicko numeri (personnummer) vadj khetane kidimasko numeri (samordningsnummer) šaj registralijpe ande e kheresko šoro. Sa jekhi ke ka bešes vadj ke te situ aba jekh kher. 

Kana tu registralindan tu ande šon tut ando šoro. Pala kodo šaj tu te les te rodes apartmento taj te iskiris intreso pe specialna kheren. Kado kerel 200 koroni pe jekh berš te tordjon ando šoro. 

Maj but tipicka khera

E Khereske agencia si but feliticka tiposke apartmentura. E maj but šaj te mangen ando kheresko šoro, de varisave apartmentura si specialnone grupenge.

• Studentongo kher: Tuke so sitjos po univerziteto vadj pe butjaki uči škola. 
• Ternengo kher: Tuke kon sam maškar e 18 taj 25 berš.
• Senjiorongo kher: Tuke so san 55 berš vadj maj phure.
• Skurto vramako kontrakto. Kontrakto pe jekh dini vrama te bešen. Te dena tu jekh skurto vramako kontrakto tuke sa jekh megi tjiro khetane kidinimo šoroski vrama.

Rode aktiv kher

Tu korkori trubus te rodes slobodi khera/apartmentura so si anoncalime pe amaro webthan (webbplats). Ande sako anonci si detalno informacia pa o kher taj e unžulimaske gazdasko kheresko avri dinimasko muklimo. Kana tu ande san tu šaj manges/šos intreso direkt ando anonco. So maj aktivno tu san, so maj bari šanca si tut te den tu kher.

Ketji vrama lel te den jekh kher? 

E šoroski vrama si pa maj but bajon, sar ke ka kames te bešes taj če uči hira tu šaj počines. O generlno šoroski vrama si 9 berš de šaj avel vi maj skurto taj vi maj lungo. Butivar e šoroski vrama si maj lungo pe e khera so si centralno ando Stokholmo vadj paše, sar pe kodala thana so si maj dur e forostar.

Prioriteto: Tut te si zuralo medicincko vadj socialno bajo šaj tu manges te žas maj angle angla o šoro. De numa jekh cera so birin te avele kado manglimo so dele o pravo te avele prioriteto. 

Sar šaj delpe tut jekh kher

Khate dikhes po loko ke sar tu te keres te delpe tuke jekh kher pa ame perdal. Te birin te mangen jekh apartamento trubus tu angluneske te aves registralime sar kheresko manglitoro. Tu registralis tu pe amaro webthan (webbplats) taj tu trubus te hasnis e-legitimaciovo. Tut tena naj šanca te hasnis e-legitimaciovo tu atunči šaj kontaktolines amari servizo so žutij tut e registraciovosa. 

1. Rode jekh apartamento

Tu rodes korkori ande e anoncura andi rig Šuše/slobodi khera (Lediga bostäder) pe amaro webthan (webbplats). Khote tu šaj rodes pala tjiro kriterivura, te šaj avel maj letko te dikhes numa kodala khera so pasolin tuke. Te šos tjiro intreso trubuj te te žas ande (logga in). Tela Mure riga (Mina sidor) šaj dikhes khote so kerdjolpe tjire manglimasa. 

E apartmentura šon avri normal ande 3-7 djesa. 

2. Ža po sikajimo/visningo taj zurar tjiro intreso

Tu te san maškar kodala kon si maj dur ande e šoroski vrama maškar kodala so intresalimej, del tu jekh ande khardimo po sikajimo/visningo kana e manglimaski vrama gelas avri. Varisave khereske gazdi mangen ke kodala kas den šanca po apartmento te dikhen les angla kodo sar o kontrakto iskirin. Anda kodo si importanto te ginen ke so mangen vorta pa kodo kher pa savo tu san intresalime.

Pala o sikajimo tu trubuj te zurales ande ke tu inke intresalime san pa o kher. Kado keres maj letko pa Mure riga (Mina sidor) khote phenes tu ke Jo vadj Na.

Unjivar šaj den tu maj but šanci, specialno ka e neve produkciovura. Atunči tu site des prioriteresko šoro. O paluno datumo te des tjiro phenimo tordjol ande e sikajimasko khardimo. 

Noteralin: Varisave khereske gazdi či den šanca po sikajimo. Atunči tu site des ke kames vadj na o kher pala kodo informaciovo so si ando anonco ande. 

3. Kheresko oferto taj certifikato

E kheresko gazda te pinžardas tu ande ke si tu kodo so mangen taj san maj dur ande šoroski vrama, del tu jekh kheresko oferto instrukciovosa pa o aver momento so avel. Tu trubuj atunči te bišaves ande certifikato so zurarel o informaciovo pa tute. Dikh anda kodo pa tu ke o informaciovo si opre nevjardo pe Mure riga (Mina sidor) (kontakt informaciovo, potjin, butjako dinitoro taj maj but).

4.  Te iskirin kontrakto

Kana tu dan tjire certifikatura taj aceptulime sanas amendar bišavas ame tjire informaciovura ka e kheresko gazda taj rekomendalinas tut te aves e kheresko gostu. 

E kheresko gazda te aceptolij tut šaj iskirin o kontrakto. 

Kana o kontrakto telal iskirindaspe nulazin tjiro šoroski vrama, de tu tordjos automaticko ande ando šoro mig tu potjines e beršesko potjinimo. Varikana šaj inkres tjire šoroski vrama. Kado si te si tjiro kontrakto varisave anda kadala khereske tipura: 

• Kher e maj phurenge
• Studentongo kher
• Ternengo kher
• Skurto vramako kontrakto

Mure riga

Pe Mure riga (Mina sidor) šaj dikhes kodala khera so tu sikadan intreso prale. Khate rakhes vi informaciovo pa tjire šoroski vrama, beršesko potjinimo taj šaj nevjares tjire personikane informaciovura. Te birin te aven ka Mure riga (Mina sidor) site žas ande (logga in). 

Ande gelimo (inloggning) 

O maj letko taj maj sekurito rig te žan ande si e-legitimaciovosa (BankID vadj Freja eID+). Tena naj tu e-legitimaciovo šaj keres tuke kontovo e-postosa taj garada vorbasa (lösenord).

Kontak informaciovo
Kinitoroski serviza
Telefono: 08-785 88 30

Mejl: kundservice@bostad.stockholm.se

Postadresi:
Bostadsförmedlingen i Stockholm AB
Box 7026
121 07 Stockholm-Globen