Pa kherengo-agenzia

Kherengo-agenzia – Gade džal pe

Kaj le kherengo-agenzia šaj rodes tuke suče khera ande regia Stockholmo. Le khera den dela jekh redoske sistemo kaj dikhen sode lungo vrama sanas inskirime. Te les jekh tuke jekh kher musaj tuke te ramosares tut andre ando redo pala khera.

Kon šaj ramosarel ando redo pala khera?

Savora kaj si 18 berš vajke opral thaj si len jekh švedisko-registria (personnummer) vajke jekh temporalno -registria (samordningsnummer) šaj ramosarel pe ando redo pala khera. Čina či trubus te bešes ando Stockholmo vajke te aba si tut jekh kher. Kana ramosares tut thon tut ando redo. Kotar šaj aba les tut te rodes tuke khera thaj thos čiro intressa pe godola thana kaj plačal tut. E zena si 200 švediska kroni ando berš te thos tut ando redo pala le khera.

Kaver fjalora khera

O kherengo-agenzia si len but kaver-fjalora khera. Savore šaj roden khera, numa uni khera si opre todene pala uni grupi.

• Khera pala studentora: Si tuke kaj si tut vuzškala andi univerziteta vajke škola bučharengo.
• Khera pala le terne: Si tuke kaj san maškar 18 gi-kaj 25 berš.
• Khera pala maj pure: Si tuke kaj san 55 beršh vaj opral.
• Skurto-vrama kontrakto: Si jekh kontrakto kaj si ramosardo pe jekh skurto vrama. Te les jekh skurto-vrama kontrakto atunči inkeres čiro čidino redo pala le khera.

Rode khera aktivno

Tu korkorro trubus te rodes le uze khera kaj si pe amare riga. Ando svako jekh kher kaj tas avri si detaljno Informatzia pa o kher thaj o kherengo-gazdengo pravo te rodes o kher. Kana san andre pe čiro rig šaj thos direktno intresa pe godo kher kaj plačal tut. So maj but san aktivno, atunči so maj but si tut shansa te les jekh kher tuke.

Sode lungo vrama lel tuke te avel tut kher?

O redo pala kher zaličil pe but fjalora , naprimer kaj kames te bešes thaj sode bari cena kames te pučines. O redo si bajnem 9 berš numa šaj avel vi maj skurto vajke maj lungo vrama. Uni thana ando centralno Stockholmo vajke paše si maj lungo vrama pe redo, sar si le kaver thana maj dur katar o foro.

Prioreta: Te si tut zurale drabengo nasvalimos vajke socialne dos šaj rodes tuke prava te džas maj angle ando redo. Gado si jekh bajnem skurto thaj čera manuš kaj len godi prava.

Sar te kes tuke jekh kher

Kate šaj dikhes kotor pe kotor sar te keres kana rodes tuke jekh kher amendar. Te rodes kher musaj anglunes te aves ramosardo vajke ramosardi sar jekh manuš kaj rodel khera. Ramosares tut pe amaro rig thaj trubul tut E-legimitatzia (Bank-ID). Te naj tut E-legimatzia trubus te les tut kontakto pe amaro service thaj šaj žutisaras tut te ramosares tut andre ando amaro sistemo. 

1. Rode jekh kher

Korkorro rodes tuke lĕ khera kaj ašel Uže Khera (Lediga bostäder) pe amaro rig. Kote šaj rodes kaj specialno rodes, te avel tuke maj vužoro te rodes ferdi pe godola thana kaj kames te bešes. Te čides andre pe vorta godola khera trubus te džas andre pe čiri rig. Tela Mure riga (Mina sidor) šaj dikhes so maladžol pe o kher kaj todan čiri intressa. Le khera reklamime normalno tela 3 gi – kaj 7 džes.

2. Dža thaj dikh o kher thaj bišav palpale čiro intereso

Te san godola kaj ažukersardan maj lungo vrama pe khera, atunči das tut jekh kher te aves te dikhes. But kherenge-gazdi mangel ke o manuš kaj delpe o kher sas thaj dikhla maj anglal pe o kher. Ando godo si važno te žines pe o kontrakto thaj dokumatzia kaj plačal tuke.

Pala o cikadimos trubus te ramosares ke plačal tuke o kher vajke či plačal tuke. Gado keres vošoro tela Mure riga (Mina sidor) kote des adveto Jo vajke Na.

Univar šaj les maj but alternativa, specialne pe neve vazdine khera. Atunči musaj te čikaves savo thos pervo. O statno džes ašel kana džal avri ke musaj te ramosares savo kames pala cikadimos pala o kher kaj diklan.

Noticia: Uni kherengi-gazdi či bišaven cikadimos pe lenge khera. Atunči musaj tuke te pušes tut korkorro te kames te les o kher vajke niči ferdi pe godo informatzia so ačel pa kher.

3. Kherengo-offerta kana kamen te den tut o kher thaj lila

Te dena tut o kher thaj sas tut lungo redo pala khera, den tut jekh kherengo-inskrutzia so trubus te keres thaj so mangel tutar. Musaj tuke te bišaves te si tut buči vajke katar les čiro lov. Dikh tuke anda godo mišto thaj vorta ramosarde pe e Mure riga (Mina sidor) (čiro anav, adressa, kana arakadžilan thaj savo foro, sode lov si tut pe čiri butči vajke katar les čiro lov, kaj keres butči thaj so maj but).

4.  Kana ramosares kontrakto

Kana bišadan čire dokumatzia thaj lila so trubul len thaj dam tut semno ke kamas te das tut o kher atunči bišavas jekh lil ke ame kames tut sar jekh kherengo-gošto kaj le gazdi pe khera. Te del semno le kherenge-gazdi atunči šaj ramosares o kontrakto. Kana ramosardan gata atunči džal čiro redo tele pala le khera, numa ašes inke ramosardo ando redo gi-pon pučines o beršhesko pučin pe agenzia pala lě khera. Andĕ uni thana šaj inkeres čiro than pe redo te si tut jekh kher katar gadala: 

• Khera pala pure 
• Khera pala studentora 
• Ternimatenge-Khera
• Skurto-vrama khera

Morě riga 

Pe Mure riga (Mina sidor) šaj dikhes sa le khera kaj plačalas tuke. Kate šaj arakes vi informatzia pala čiro redo pala khera, beršengo pučinimos thaj kana musaj tuke te pučines te ašes inke ando redo thaj šaj vi paruves nevimata pala čiro pučin, lov vajke te bešen jekh nevo manuš maj but ando kher. Te kames te paruves vareso nevimos atunči musaj te džas andre pe čiri rig tela Mure riga (Mina sidor).

Login

O maj vužoro thaj maj securno modo si te džas andre te si tut E-legimatzia (BankID vajke Freja ElD+). Te naj tut E-legimatzia šaj aves andre če E-mail thaj čiro koda.

Informatzia 
Service
Telefon: 08-785 88 30

Mejl: kundservice@bostad.stockholm.se

Adressa
Bostadsförmedlingen i Stockholm ABBox 7026121 07 Stockholm-Globen