Andi Stambeno agencija

Stambeno agencija – adžahar funkcionišini 

Ki Stambeno agencija šaj te rode o slobodna stanija ki Štokhomsko regija. I stanija ulavena pe prekalo jekh redoso sistemi kova bazirini pe ko vakti kobor džiko tano ko redo. Te šaj te rode jekh stani mora te ove registrujimo ko odova redo e stanendže.

Ko šaj te registrujini pe ko odova redo e stanese?

Sarine kola isiljen 18 berš hem pobuter hem isi ljen švedsko matično broj (personnummer) ja privremeno matično broj (samordningsnummer) šaj te registrujinen pe. Nane važno kuri živineja ja da lji već isi tu stani ja čher. Ked registrujijan tu khuveja ko redo. Palo odova šaj te rode stanija hem te prijavine so hijan zaintresirimo dijekhe specifično stanese. Koštini 200 krune ko berš te ove ko redo. 

Olika typer av bostäder But tipija ando stanija/čhera

I Stambeno angecija isi la but tipija ando stanija. Najbut ando ljende šaj sarine kola tane ko redo te roden, ama disave stanija tane obeležime posebno grupendže.

• Studentska stanija: Tuče kova studirineja ko univerziteti ja ki zanatsko uči škola. 
• Ternenge stanija: Tuče maškaro 18 hem 25 berš.
• Seniorska stanija: Tuče kova isi tut 55 berš ja pobuter.
• Privremena stanija: Ugovor kova isi lje ograničimo vreme. Te dobijan esavko privremeno ugovor račujini pe to vakti ko redo hem ponodri. 

Rode stani aktivno

Tu valjani kokri te rode stani kova oglasini pe ki amari stranica. Ko svako oglas isi detaljno informacije ando stani hem ando uslovija kova o stanodavco isi lje te šaj te del nekase stani. Ked hijan ulogujimo šaj direktno te prijavine so hijan zainteresimo. So poaktivno hijan, pobare šanse isi te dobine jekh stani.

Kobor vreme ljela te dobini pe jekh stani?

O vreme ko redo zavisini ando but faktorija, sar ko primer kuri mangeja te živine hem kobor bari kirija šaj te platine. Prosečno vreme ko redo tano 9 berš ama odova šaj te ovel pohari ja pubuter. Obično ko centar Štokholma ja popaše uzo centar adžičeri pe pobuter, a pohari adžičereja te rodeja podur ando centar hem i diz. 

Prioriteti: Te isi tut zoralje medicinska ja socijalna sebepija šaj te rode te dža poanglal ko redo. Ama samo jekh tikno broj manuša kola pherena o uslovija te oven odobrime. 

Sar dobineja jekh stani

Akate ka dikhe redoja sar džala te dobine stani prekalo amende. Te šaj te rode stani mora te ove registrujimo. Upisineja tu ko amari internet stranica hem valjani te ovel tu elektronsko legitimacija. Te nane tu elektronsko legitimacija, tegani šukar aljan te kontaktirine amaro korisničko servis kova ka pomožinen tu te registrujine tu. 

1. Rode stani

Tu kokri rodeja maškaro oglasija ko kotor Slobodna stanija (Lediga bostäder) ki amari internet stranica. Uduri šaj te filtririne to rodibe premalo teklje kriterijumja, te šaj poloko te dikhe samo o stanija kola tuče valjani. Te šaj te prijavine so disavo stani zanimini tu mora te ove ulogujimo. Ko Meklje stranice (Mina sidor) šaj te pratine so ovela te rodiba. O stanija obično ovena oglasime 3-7 dive. 

2. Dža te dikhe hem potvrdin so hijan zainteresimo

Te hijan maškaro odola kola but vakti hijan ko redo, ka dobine ponuda te dža te dikhe o stani ked o oglas završini. Disave stanodavci rodena te dikhel pe o stani angljeder so o ugovor potpisini pe. Odoljese tano važno te čitine kola uslovija isi baš odolje stanese kova rodijan.

Palo dikhibe valjani te potvrdine so i dalje hijan zainteresimo odolje stanese. Odova čereja prekalo Meklje stranice (Mina sidor) kuri birineja Po ja Na.

Podijekhvar šaj te dobine pobuter alternative, posebno ki novogradnja. Tegani valjani te pisine kova stani isi lje kova prioriteti koro tute. O paluno datum ked valjani te de jekh odgovor pisini ki ponuda so dobijan te dža te dikhe o stani.

Zapazin: Disave stanodavci na vičinena ko dikhibe. Tegani valjani te odlučine na osnovu informacije kola dikheja ko oglas.

3. Ponuda hem potvrda

Te ispunineja o uslovija hem hijan najanglalko redo, dobineja ponuda hem instrukcije ando aver korako. Valjani te bičhalje potvrda kola dokazinena te informacije. Odoljese dikh uvek te informacije te oven neve ko Meklje strane (Mina sidor)(sar te kontakt informacije, i plata, to poslodavco hem aver).

4.  Pisiba o ugovor

Ked bičhaldžan ti potvrda hem oj tani odobrimi ando amende, tegani bičhala te podatkija ko stanodavco hem predložina tut te dobine stani. Te o stanodavco odobrini tut šaj te potpisinen o ugovor. Ked o ugovor potpisimo, to redo ki lista avela ki nula ama tu hem ponodri hijan ko redo dži god platineja e beršesi članarina. Ko disave situacije šaj te zadržine to redo. Odova važini ked tano o ugovor ked jekh ando akija kategorija: 

• Stanija e phurendže
• Stanija e studentendže
• Stanija e ternendže
• Privremeno ugovor

Meklje stranice

Ko Meklje stranice (Mina sidor) šaj te dikhe kolje stanendže mothodžan intres. Akate šaj te arakhe informacije ando to redo, ando beršesi članarina hem šaj te promine te lična informacije. Te šaj te ave ko Meklje stranice (Mina sidor) mora te ulogujine tu.

Ulogujibe

Najloko hem najsigurno način te ulogujine tu tano te e-legitimacija (BankID ja Freja eID+). Te nane tu e-legitimacija šaj te čere jekh nalog adžahar so ka koristine ti mejl adresa hem jekh lozinka. 

Kontakt informacije
Kundservice (Korisničko servis)
Telefon: 08-785 88 30
Mejl: kundservice@bostad.stockholm.se

Postadress (Poštansko adresa)
Bostadsförmedlingen i Stockholm AB
Box 7026
121 07 Stockholm-Globen