Pal kherytko biuro

Kherengro biuro – adža džalynel jof

Te kherytko biuro mogines tu te rodel odoj kaj isy volna panstvova khera dre Stockholmoskro regiono. Khera čhen pšydželona vedlug jek kolejkakro systemo kaj zaležynel kicy ciro san dre kolejka. Kaj te mogines te ščhuvel podanio pal jek kher to mušines tut te zapisinel dre kolejka pal kher.

Kon moginel pes te zapisinel dre kolejka pal kher?

Sare kaj isy lenge 18 berš albo phuredyr i isy len jek švecko tire dani (personnummer) albo zastempča dani (samordningsnummer) to moginen pes te zapisinel dre kherytko kolejka. Dava nani značenio kaj tu san beštlo albo juš isy tut kher. Kedy tut zapisindžan to tu čhes umieščono dre kolejka. Potem juš tu mogines te rodel khera i te zglošines tyro zaintresovanio khereskro. Dava kerel 200 kronor pe jek berš kaj te terdžios dre kolejka.

Ružna rodzaji kherendy

Kherytke biuros isy but ružna rodzaji khera. Do vienkšošč kaj isy  terde dre kolejka kherytko to moginen pes te starynel pal do kher, ale niektura do khera isy zaphendle specyjalne grupenge.

• Studentenge khera: Tuke kaj studines te universyteto albo zavodovo škola.
• Ternenge khera: Tuke kaj san maškir 18 i 25 berš.
• Seniorenge khera: Tuke kaj isy 55 berš albo phuredyr.
• Umova pe krutko termino: Umova pe krutko ciro. Syr tu doresesa umova pe krutko ciro to tuke pes ginel i tak tyro do ciro kaj san terdo dre do kherytko kolejka.

Rode kher aktivnie

Tu san korkoro te rodel volna khera kaj isy dre anonso pe jamaro webbplats. Dre každo anonso isy detalično informacja pal do kher i vlaščičeloskre varunki save obovionzynen. Kedy tu san zalogovano to mogines odrazu te zglošine kaj san začekaviono. Syr sykaves kaj san aktyvno, to isy tut ftedy baredyr šansa kaj te doreses jek kher.

Syr but ciro lel kaj te doresel jek kher?

Ciro dre kolejka zaležynel ružne žečendy, na pšyklad kaj tu kames te bešel i kicy tu mogines te priskirel pal do kher. Šrednio ciro dre kolejka isy 9 berš moginel te javel krutkedyr albo haredyr. Pševažnie isy kolejka haredyr pal khera dre centralno Stockholm albo dre do okolica, Te poruvnanio do opšarosa kaj isy duredyr forosty.

Bez kolejkaty: So tut isy zorale nasvale lila albo socijalno povodo to tu mogines pes te zglošinel kaj te javes pieršo dre kolejka. Dova isy tylko dre vyjontkovo sytuacja kaj moginen tuke te pšedžinen bez kolejkaty.

Syr tu doreses jek kher

Adaj tu dykhes kroko pal kroko syr tu san te kerel kaj te doreses jek kher jamendy. Kaj te mogines te rodel jek kher to mušines pieršo te Javel zapisano dre kherytko kolejka.Tu tut zarjestrnes pe jamaro webbplats i tu mušines te užyvinel e-legitymacja. So tut nani syr te uživinel e-ligitymacja to tu mogines tut te skontaktynel jamare kundservice to jone tuke pomoginena pes te zarjestenel.

1. Rodes jek kher

Tu rodes korkoro dre do anonsy do čenšč kaj isy Volna khera Volna khera (Lediga bostäder) pe jamaro webbplats. Odoj tu mogines te pšydykhel dova so tu kames i save isy vymagani, kaj tu te mogines te pšedykhel dova so pasynel tuke. So kames te dykhel sosa tu san začekaviono to mušines tut te zaloginel pe.   Mire stroni (Mina sidor) odoj tu dykhes so pes kerel tyre vnioklosa. Khera isy pe do anonso 3-7 dyvesa.

2. Dža pe pokazo i potvjerdžin kaj tu san začekovjono

So tu naležynes ke dole kaj isy hara dre kolejka maškir dolendy kaj isy zaintresovana, to tu doresesa zaprošenio kaj te džas pe pokazo syr juš do okreso pšedžal. Niektura vlaščičeli kamen kaj dolenge kaj kamen te del kher to kamen kaj pieršo te dykhen do kher zanim potpisynena kontrakto. Paldava isy važno te čytynel save varunki isy do khereskre kaj tu san začekaviono. 

Pošli pokazo san te phenel čy tu san začekaviono do kheresa.

Dova naj letkedyr keres pe Mire stroni (Mina sidor) odoj tu odphenes dža albo na.

Niekedy mogines te doresel varekicy propozyci ščegulnie te neve khera. To ftedy mušines tu te podel kolejkakro ciro. Ostatnio odpoviedž kaj te odphenes isy dre do zaprošenio kaj obdykčan.

Zauvažyn: Niektura vlaščičeli na den kaj te obdykhen kher. To ftedy tu mušines te lel decyzja čy kames te lel do kher do informacjaty kaj isy dre do anonso.

3. Kherytko oferta i zašviarčenio

So tu spelnines vlaščičeloskre varunki i san hara dre kolejka, to tu doresesa oferta kherenca i instrukcja syr san te kerel. Tu san te bičhavel jek lil kaj potvierdžinel tyre dana. Spravdžin kaj tyre dana isy lačhe pe Mire stroni (Mina sidor) (dana kontaktova, dohodo, kaj keres buty i tak dalej).

4.  Te pisinel kontrakto

Kedy tu mekhes tyre dana i čhes jamendy zatvierdzono to jame bičhavas tyre dana te vlaščičelo kheresty I zaproponinas tut kaj te doreses do kher. Syr do vlaščičelo tut za akceptynela to ftedy podpisinen kontrakto. Kedy kontrakto isy podpisano to tyry kolejka čhel zrecitovano, ale tu nadal automatyčnie san dre do kolejka dopuki tu priskires do oplata jekvar pe berš. Dre niektura pšypatki mogines tu nadal te terdžiol dre kolejka. Dava dotyčinel so dre kontrakto isy dava typo kherendy:

• Kher phurenge
• Kher studentenge
• Kher ternenge
• Kher pe krutko termino

Mire stroni

Pe Mire stroni (Mina sidor) mogines tu te dykhel do khera kaj tu san začekaviono lenca. Adaj tu mogines te rakhel informacja pal kolejka, beršitko oplata i mogines te odnovinel tyre dana. Kaj tu te rakhes Mire stroni (Mina sidor) to mušines tut te zaloginel.

Zalogovanio

Naj fededyr i naj pevnedyr isy kaj te zaloginel pes pe e- legitimation (BankID albo Freja eID). So tut nani e-legitimation to mogines te začhuvel jek konto e-mail i haslo.

Dane kontaktove
Servis
Telefon: 08-785 88 30

Mejl: kundservice@bostad.stockholm.se

Adreso poctovo
Bostadsförmedlingen i Stockholm AB
Box 7026
121 07 Stockholm-Globen