Orohatgaskkustusa (Bostadsförmedlingen) birra

Orohatgaskkustus (Bostadsförmedlingen) – Ná dat doaibmá

Orohatgaskkustusas (Bostadsförmedlingenis) sáhtát don ohcat láigoásodagaid Stockholmguovllus. Orohagat juhkkojuvvojit vuordinsystema bokte vuordináiggi vuođul. Jus áiggožat ohcat orohaga fertet don registreret iežat orohatvuordinlistui.

Geat sáhttet registreret iežaset orohatvuordinlistui?

Buohkat geat leat 18 jagi dahje boarráseappot ja geain lea ruoŧa personnummer (personnummar) dahje samordningsnummer (koordinašuvdnanummar) sáhttet čálihit iežaset vuordinlistui. Ii mearkkaš maidege gos orut dahje leago dus juo ásodat. Go leat registreren iežat de biddjojuvvot don vuordinlistui. De sáhtát ohcagoahtit ásodagaid ja dieđihit beroštumi dihto orohagaide. Dat máksá 200 ruvnno jahkái čuožžut vuordinlisttus.

Iešguđetlágan orohagat

Orohatgaskkustusas (Bostadsförmedlingenis) leat ollu iešguđetlágan ásodagat. Eatnasiid dain sáhttet buohkat geat leat orohatvuordinlisttus ohcat, muhto muhtun ásodagat leat várrejuvvon sierra joavkkuide.

• Studeantaorohagat: Dutnje gii studeret universitehtas dahje fidnoallaskuvllas.
• Nuoraidorohagat: Dutnje gii leat gaskal 18 ja 25 jagi.
• Seniororohagat: Dutnje gii leat 55 jagi dahje boarráset.
• Oanehis áiggi šiehtadusat: Šiehtadus mas lea ráddjejuvvon orrunáigi. Jus oaččut oanehis áiggi šiehtadusa bissu du čoggon áigi vuordinlisttus.

Ná ozat orohaga aktiivvalaččat

Fertet ieš ohcat guorus orohagaid mat almmuhuvvojit min neahttasiiddus. Juohke almmuhusas leat dárkilis dieđut orohaga ja eaiggáda dohkkehaneavttuid birra. Go leat loggen sisa, de sáhtát dieđihit iežat beroštumi njuolga almmuhusas. Mađi eanet doaimmalaš don leat, dađi buoret vejolašvuohta dus lea oažžut orohaga.

Man guhká ádjána oažžut orohaga?

Vuordináigi lea sorjavaš máŋgga fáktoris, earret eará gos háliidat orrut ja man ollu láiggu don leat mielas máksit. Gaskamearálaš vuordináigi lea 9 jagi muhto sáhttá leat sihke oanehet ja guhkit. Dávjá lea guhkit vuordináigi orohagain Stockholmma guovddážis dahje birasguovlluin, go buohtastahttá guovlluiguin mat leat guhkkin eret gávpogis.

Ovdabeallái vuoruheapmi: Jus dus leat garra medisiinnalaš dahje sosiála ákkat sáhtát don ohcat vuoruhuvvot ovdabeallái vuordinlisttus. Lea dattetge dušše oasáš olbmuin geat ollašuhttet gáibádusaid vuoruhuvvot ovdabeallái.

Movt oaččut orohaga

Dás oainnát ceahkis ceahkkái maid don galggat dahkat vai oaččut orohaga min bokte. Jus galggat sáhttit ohcat ásodaga fertet don vuos leat registrerejuvvon orohatohccin. Don registreret iežat min ruovttusiiddus, ja don fertet geavahit e-legitimašuvnna. Jus dus ii leat vejolašvuohta geavahit e-legitimašuvnna, de leat don bures boahtin váldit oktavuođa min kunddarbálvalusain, mii veahkeha du registreremiin.

1. Oza ásodaga

Don ozat ieš almmuhusaid gaskkas Lediga bostäder (Guoros orohagat) fálus min ruovttusiiddus. Doppe don sáhtát duobussillet iežat ohcama iešguđetge eavttuid mielde, vai álkibut oainnát dušše daid orohagaid mat dutnje heivejit. Jus áiggut beroštumi dieđihit fertet don logget sisa. Mina sidor (Mu siiddut) vuolde sáhtát don čuovvut mii du ohcamiin dáhpáhuvvá. Ásodagat almmuhuvvojit dábálaččat 3–7 beaivvi.

2. Fina čájeheamis ja duođaš iežat beroštumi

Jus leat sin searvvis geain lea guhkimus vuordináigi, de oaččut bovdehusa fitnat geahččat go ohcanáigemearri lea nohkan. Muhtun láigoheaddjit gáibidit ahte son gii lea ožžon fálaldaga lea geahččan vistti ovdal go vuolláičállet šiehtadusa. Danin lea dehálaš lohkat eavttuid mat gustojit orohahkii maid don háliidivččet.
 
Maŋŋel go fitnan čájeheamis fertet don duođaštit ahte don ain háliidat dan orohaga. Dan dagat don álkimusat Mina sidor (Mu siiddut) bokte gos don vástidat juo dahje ii.
 
Muhtumin sáhtát oažžut máŋga molssaeavttu, erenoamážit ođđa visttiid oktavuođas. Dalle fertet don dieđihit movt don vuoruhat daid. Vástidanáigemearri čuožžu čájehanbovdehusas.

Fuomáš: Muhtun almmuheaddjit eai fála čájeheami. Dalle fertet don mearridit háliidat go orohaga dán almmuhusa dieđuid vuođul.

4. Orohatfálaldat ja duođaštusat

Jus don ollašuhtát láigoheaddji eavttuid ja dus lea guhkimus vuordináigi, de oaččut orohatfálaldaga mas lea bagadus maid galggat dahkat viidáseappot. Don fertet de sáddet duođaštusaid mat nannejit du dieđuid. Gozit danin ahte dieđut du birra leat ođasmahttojuvvon Mina sidor (Mu siiddut) fálus (oktavuođadieđut, sisaboahtu, bargoaddi jna.).

5. Čállit šiehtadusa

Go leat sádden duođaštusaid ja mii leat daid dohkkehan, de mii sáddet dieđuid du birra láigoheaddjái ja evttohit du láigoheaddjin. Jus láigoheaddji dohkkeha du, de sáhttibeahtti čállit šiehtadusa. Go šiehtadus lea vuolláičállojuvvon, de loahpahuvvo du vuordináigi, muhto don čuoččut automáhtalaččat vuordinlisttus nu guhká go mávssát jahkedivada. Muhtun oktavuođain sáhtát doalahit iežat vuordináiggi. Dát gusto jus du šiehtadus guoská muhtumii dain orohagain:

• Boarrásiid orohahkii
• Studeantaorohahkii
• Nuoraidorohahkii
• Oanehis áiggi orohahkii

Mina sidor (Mu siiddut)

Mina sidor fálus sáhtát don oaidnit orohagaid maidda don leat čájehan beroštumi. Doppe gávnnat maiddái dieđuid iežat vuordináiggi, jahkedivada birra ja sáhtát rievdadit iežat persondieđuid. Mina sidor (Mu siiddut) gáibida sisaloggema beassat sisa.

Sisaloggen

Álkimus ja sihkkareamos vuohki logget sisa lea e-duođaštusain (BankID dahje Freja eID+). Jus dus ii leat e-duođaštus sáhtát don ráhkadit konttu e-boastaadreassain ja beassansániin.

Oktavuođadieđut

Kunddarbálvalus
Telefovdna: 08-785 88 30
E-boasta: kundservice@bostad.stockholm.se

Boastaadreassa
Bostadsförmedlingen i Stockholm AB
Box 7026
121 07 Stockholm-Globen