O Biro bašo stania

O Biro bašo stania – Adžaar funkcionirini

Ko biro bašo stania šaj te rode čuče stania ki kirija ko regioni ko Stockholm. O stania denape adžaar so isi sistemi te adžikeripe redo kova so osnovinipe ko vakteskoro redo. Te šaj te rode jek stani mora te registririnetu ko redo e stanenge.

Koj šaj te registririnipe ko redo stanenge?

Sarinen so isilen pherde 18 berš ili pophure hem isilen švedsko personnummer ja samordningsnummer šaj te registririnipe ko redo stanenge. Nane veza kote tu dživdineja ja ako isitu več jek stani. Keda tu registririneatu tegani sian čhivdo ko redo. Palo odova šaj te rode stania hem te prijavine interes bašo specifično stania. Koštini 200 kr ko berš te ove ko redo. 

Diferentno vrste stania

O biro bašo stania isilen diferentno vrste stania. Buteder manuša soj ko redo stanenge šaj te roden, ama disave stania tane posebno kerde disave grupenge.

• Stania studentenge: Okolenge so studirinena ko unuverziteti ja ki zanatengiri škola.
• Stania ternenge: Okolenge soj tane maškar 18 hem 25 berš. 
• Stania phurenge: Okolenge so isilen 55 berš ili pophure.
• Stania kratkoročno dogovorea: Dogovor ograničime vaktea dživdipaske. Džikote isitu dogovor ograničime vaktea šaj te zadržine o vakti so adžkerdžan ko redo.

Rode stani redovno

Tu valjani korkori te rode o čuče stania so anonsirinipe ki amari web strana. Ko sakova oglas isi detalno informacie bašo stani hem odova so o gazda rodela. Keda ka logirinetut tu šaj te prijavine interes direktno ko oglas. So poviše aktivno ka ove, doborom pobari šansa isitu te dobine jek stani. 

Kozom vreme džala džikote dobinipe jek stani? 

O redo adžikeribaskoro zavisini kotar buteder faktoria, na primer kaj tu mangea te dživdine hem kobor bari kirija sian spremno te platine. O sredno vakti adžikeribaskoro tano 9 berš ama šaj te ovel hem pokratko ama hem podugačko. Buteder puti o vakti adžikeribaskoro tano podugačko bašo o stania soj centralno ko Stockholm ja ko pašutne thana, ako usporedinaja disave thanencar soj podur kotar o gradi/foro. 

Preoriteti: Ako isitu phare medicinsko  ja socialno razlogia šaj te rode te dža angleder ko redo. Ama samo but hari džene so pherena o uvjetia te odobrinipe lenge preoriteti. 

Sar dobinipe jek stani

Akate šaj te dikhe o diferentno korakia sar valjani te kere či te dobine jek stani preku amende. Te šaj te rode jek stani mora prvo te ove registririmo sar jek so rodela stani. Tu registririneatu ki amari web strana hem tu valjani te upotrebine e- legitimacia. Ako nanetu mogučnost te upotrebine e- legitimacia tegani šukar aljan te kontaktirine amari služba mušterienge so ka pomožini tut te registrerinetu.

1. Rode jek stani

Tu korkori rodea maškar o oglasia ko than so pišini Lediga bostäder ki amari web stranica. Odothe šaj te filtririne tlo rodibe prema o razno kriterie, te šaj polokho te dikhe samo odola stania soj relevantno tuke. Te prijavinipe interes valjani te logirinetu. Ko Mina sidor šaj te dikhe so desinipe tle rodibaja stani. O stania anonsirinenape normalmo ko 3-7 dive. 

2. Dža ko dikhibe hem potvrdin tlo interes

Ako tu pripadinea okolendar so zainteresirime hem adžikerdže but vakti, ka dentu jek ponuda te dikhe o stani keda o vakti rodibaskoro nakhlja. Disave gazdia stanenge rodena okolendar so nudindžape lenge jek stani te džan te dikhen angleder te pišinipe ugovor. Odoleske važno te čitine so rodolape baš odole staneske so tu sian zainteresimo. 

Palo dikhibe valjani te potvrdine dali sian panda zainteresimo kotar o stani. Odova šaj te kere najlokheste ko Mina sidor kote so tu odgovorinea Oja ili Na.

Disavo puti šaj te dobine poviše alternative, pogotovo neve kerde stania. Tegani mora te sikave tlo prioritetno redo. Posledno datum te odogovirine pišini ki dikhibaskiri pozivnica. 

Notacia: Disave stanengere vlasnikija na ponudinena te dikholpe o stani. Tu trebela te odlučinetu dali ka le o stani odole informaciencar so isi ko oglas. 

4. Stanengiri ponuda hem potvrda

Ako ispuninea o rodibe so e gazda isi hem adžikerdža najviše vakti, ka dobine jek ponuda staneske hem informacie bašo javer korako so te kere. Tu ka valjani te bičhave intig sar dokaz bašo tle podatke. Odoleske dik tle podatke te oven updatirime ko Mina sidor ( kontaktno podatke, inkomstia, tle bučakoro info hem panda buča).

5.  Pišibe kontrakti

Keda ka predaine tle intigia hem keda ka ove priznaimo amendar amen ka bičhava tle informacie ko vlasniko e staneske hem ka predložina te šaj te le tu o stani. Ako o gazda prifatinitu tegani šaj te pišinen o kontrakti.
Keda o kontrakti ka potpišinen tegani tlo redo adžikeribaske ka ovel ki nula, ama tu sian automatsko ko redo sa džikote platinea beršeskiri taksa. Ko disave slučaija šaj te zadržine o vakti adžikeribaske. Odova važini keda tlo kontrakti tano disave akale vrste stanenge:

• Stani phurenge
• Stani studentenge
• Stani ternenge
• Kratko vaktesko kontrakti

Mina sidor

Ko Mina sidor šaj te dikhe odola stania kolenge sikadžan interes. Akate šaj isto te arakhen informacie bašo tlo redo vaktesko, beršeskiri taksa hem šaj te updatirine tle lično podatke. Te šaj te ave dži ko Mina sidor mora te logirinetu andre.

Logoribe

Najlokho hem najsigurno način te logirinetu tano tle e-legitimacijaja (BankID ili Freja eID+).  Ako nanetu e-legitimacija šaj te phrave jek konto e-post adresaja hem lozinkaja.

Kontaktno podatke
Kundservice
Telefon: 08-785 88 30
Mejl: kundservice@bostad.stockholm.se

Postadress
Bostadsförmedlingen i Stockholm AB
Box 7026
121 07 Stockholm-Globen